انا غصتني العبره دخيلك لا تبكيني ..

يضيق الصدر.. لاشفتك .. حبيبي تمسح دموعـك
ترى مااقوى على حزنـك .. لـك الله لاتبكّينـي

حبيبي للفـرح دايـم .. ابيـك اتوّقـد اشموعـك
وابا زورك.. وابفرح به .. لـو انـه مايدانينـي

وش اللي صار باحوالك .. طلبتك قول موضوعك
ألـى هالحـد تغلينـي .. ومــاودك تعنيّـنـي

تعال وشوفها احزانك .. بَنَت في روحي افروعك
هدمت افراح من شانك .. وماتـن بـي بساتينـي

حرام ارتاح في نومي .. إذا ماارتحت بهجوعـك
قسـم بالله مااخونـك .. مدامـك حيـل تغلينـي

تراك النور لعيونـي .. طلبتـك جـود بطلوعـك
أنا المجنونـة والتايـه .. وليـل الهـم معمينـي

ومدامك مكسف وذابل .. وزايد ياسـك وروعـك
أنا لامن دخلت الويـل ضايـع .. مـن يقدّينـي؟!

وليل من الفرح يبكي .. يبيك اتجـود برجوعـك
وهمّاً ياتلف حالي .. كفـر بـي .. لاعبـاً فينـي

حبيبي وش تبي قلي .. أنا كلـي رهـن طوعـك
علامـك يابعـد عمـري .. حزيـن وماتحاكينـي

تعال وخذ من اشعاري .. تسّلا عطني اسموعـك
وإذا ماجاز لك شعري .. حرام اتخطـه ايدينـي

تبي قلبي ترى جالك .. رحل لك .. داخل اضلوعك
تبي روحي .. تبي فرحي .. تبي مالي .. تبي عيني

حبيبي جيتك ابدمعـي .. وودي تمسـح ادموعـك
أنـا غصّتنـي العبـره .. دخيـلـك لاتبّكيـنـي

:

:
م/ن

يوه ياقلبي تجنن ذكرتيني بجون بيو تسلمين ياقمر قصدي يا كوكب بلوتو انتي ياهو يا طويل انت

اقتباس :: قسم بالله ما اخونك مدامك حيل تغليني

. .

كتلة ابداع انتِ والله . .
تسلملي الذائقه الفتاكه Smile

-

يسلموو كولكووم عالمروور نورتوو الصفحه بردوودكوو

حبيبي جيتك ابدمعـي .. وودي تمسـح ادموعـك
أنـا غصّتنـي العبـره .. دخيـلـك لاتبّكيـنـي

[quote]

جت في الصميم
ياقلبي

تشكرات جاردينا

يسلموو عالمروور

إختيار رآآئع بحق جاردينا،،